MULTI MENT

Təsviri

Bitki qidalandırıcı mikroelementlər;

Karbon (C) bütün üzvi birləşmələrin əsas təməl daşıdır.

Kalsium (Ca) bitki toxumasının struktur və fizioloji sabitliyinə cavabdehdir; hüceyrə divarının əmələ gəlməsi, hüceyrənin böyüməsi, bölünməsi və fermentlərin aktivləşməsində iştirak edir.

Kükürd (S) amin turşularının strukturunda yer alır və zülal sintezini sürətləndirir. Buna görə də kükürd çatışmazlığı simptomları azot çatışmazlığı simptomlarına bənzəyir. O, həmçinin yağ sintezində və hüceyrə divarlarının quruluşunda iştirak edir.

Bor (B) meristem aktivliyini təmin etmək üçün protein sintezini sürətləndirir (meristem, böyümə ucları). Hüceyrə divarının strukturuna daxil olduğundan hüceyrə membranlarında karbohidratın ötürülməsini dəstəkləyir, köklərin böyüməsini təmin edir, çiçək formalaşmasında istifadə olunur;

Xlor (Cl) fotosintez üçün mütləqdir. Sudan oksigen formalaşdıran fermentləri aktivləşdirir.

Mis (Cu) fotosintez prosesində karbohidrat və zülalın sintezində rol alır. Bitkidəki misin 70%-i xlorofilin tərkibindədir. Bioloji azot fiksasiyasında iştirak edir.

Dəmir (Fe) fotosintez və tənəffüs prosesində katalizator rolu oynayır, şəkər və nişastanın əmələ gəlməsində iştirak edir. Dəmir həm də digər fermentləri aktivləşdirir.

Manqan (Mn) yağ turşularının sintezindəki enzimləri sürətləndirir, DNT və RNT yaradan enzimləri aktivləşdirir. Fotosintez prosesində sudan oksigenin ayrılmasında birbaşa iştirak edir, xlorofilin formalaşmasında rol oynayır. Manqan mis və sink ilə əlaqəyə girir, hüceyrə tənəffüsünə kömək edir.

Molibden (Mo) nitratı nitritə çevirən ferment olan nitrat reduktazanın strukturuna daxildir. Bitkilər nitratla gübrələndikdə, ammoniumla gübrələnmədən daha çox molibdenə ehtiyac duyurlar. Paxlalı bitkilərin bioloji azot fiksasiyasında rol oynayan fermentin strukturunda yerləşir.

Sinkin (Zn) fizioloji aktivliyi maqnezium və manqan ilə oxşardır, nişastanın əmələ gəlməsinə və RNT sintezinə təsir edir, protein sintezini sürətləndirir.

Saxlanma qaydası: Normal şəraitdə (sərin və quru yerdə) orjinal qabında saxlayın. Məhsulu birbaşa günəş işığının düşdüyü yerdən uzaq tutun. Orjinal qabında normal şəraitdə saxlanıldıqda öz fiziki və kimyəvi xüsusiyyətlərini ən azı 3 il qoruyub saxlayır. Saxlama temperaturu +5°c ilə +40°c arasında olmalıdır.

Yararlılıq müddəti: İstehsal tarixindən etibarən 3 il. İstehsal tarixi qabın üzərində qeyd olunub. Partiya nömrəsi istehsal tarixinə uyğundur.